استثمار الهزيمة

استثمار الهزيمة
من المرات القليلة اللتي يتحد فيها الراي العام مع الحكومه او قل ان شئت تتحد فيها الحكومه مع الراي العام
ففي كثير من الاحداث نري اتجاه الحكومه (الدولة - الحزب الحاكم)
معاكس تماما اتجاهات الناس وكأنهم يقولون للناس اضربوا راسكم في الحيط ولم يكذب الناس حالهم وضربو راسهم ورجليهم وولادهم في الحيط والحكومه ودن من طين وودن من عجين (جائزة سيد القمني –الضرائب العقارية الجديدة-حادثة العبارة-احداث غزة-رسوم الزبالة-المادة76-الري بالمجاري-وهلم جره)
وفجاة وبدون سابق انذار
يتحد الجميع علي سب العدوان الجزائري
وتتحد الامة المصرية من شرقها لغربها من معارضيها لحزبها الحاكم وتقوم الدنيا ولا تقعد
وتدق الحرب اوزارها
وتتحد القنوات الخاصه(الحكومية) مع القنوات الحكومية مع سكان العشوائيات في مظاهرة تنديد باحداث نوفمبر(11سبتمبر) مصر الجزائر2009
وللأول مرة منذ زمن بعيد نسمع لغة التهديد والوعيد في الخطاب السياسي( الخارجي) ونتخلي عن ضبط النفس(ونشجب وونندد) ونوري العالم الجزائري العين الحمره(بعد ما خلعوا لينا البنطلونات)
صحيح هيا ده مصر مصر اكتوبر73
هلي يا نسايم النصر هلي هلي(وان شاء الله ه نعوضها ونفوز ب كأس افريقيا انجولا2010)
نعم -انه استثمار الهزيمة
الان تحاول الحكومه كسب الراي العام
(اعدام هشام طلعت مصطفي الحكم علي صاحب العبارة السلام98 –الحكم علي هاني سرور صاحب فضيحة اكياس الدم الملوثة عزل وزير النقل منصور شيفورليه)
الان تجمل الحكومه وجهها
الان مع اقتراب الانتخابات الرئاسيه (وانتخابات مجلس الشعب علي البيعة)
تلبس الدولة القناع
نعم انه اللعب علي اوتار الوطنيه وكرامة المصري(خاصة في اقسام الشرطة)

الان الكل يغني(العالم يغني)نفس اللحن
(وطنيتنا مصريتنا حماها الله الله الله)

الان سوف نتخلي عن العروبة ونبص لنفسنا بقي(قال يعني العرب محتجنا دلوقتي)
الان سوف نبني المستقبل لاولادنا فقط(ما احنا اللي عمرنا الدنيا)
سلاااام يا صاحبي
والي اللقاء في تصفيات كأس العالم2014
سلااام مؤقت
باااااااااااي

مباراة مصر والجزائر وكشف المستور

انتهت المباراة بفوز الجزائر علي مصر

وصعودها الي مونديال كأس العالم بجنوب افريقيا 2010
ولكن
ما شهدته المباراة من احداث رهيبة نعم رهيبة
كشف لنا عن خطط تدبر في الخفاء لزرع الكراهية بين الشعوب العربية والاسلامية
ان ما حدث لهو ناقوس خطر للايدي الخفية التي عملت دون ان ندري
لقلب وتشويه الحقائق ان بسطاء الشعب الجزائري
نعت شعب مصر ب الحرامية و اليهود ؟؟؟
نعم اتفق الجميع علي هذااا
من اين جاءوا بهذا الافك المبين
انه امر دبر ب ليل ان هناك افكار زرعت في الخفاء دون ان ندرى
ان التنصير الذي هجم علي الجزائر كان جزء من الخطة لتهية النفوس للكراهية والانشقاق
ان التنصير في حد ذاته لم يكن المقصود
هناك من يريد فصل مصر عن الشعوب العربية و الاسلامية
عن طريق افكار تروج لها حملات منظمة غالبا يهودية
ان دور الجزائر في حرب اكتوبر ودور مصر في الثورة الجزائرية
جعل العدو الاوحد ينتبه الي ذالك الترابط بين شعبي البدين فدس عملائه
لزرع الفتنة
وترويج افكار غريبة وعجيبه خرجت علي السطح ب اتفاق الشباب الجزائري علي ان
المصريين حرامية و يهود ؟؟؟
لا يمكن ان يمر هذا الامر دون دراسه وبحث
فربما الامر ذاته موجود في دول عربية اخري
فهل تركنا كرة القدم جانبا وبحثنا عن تللك الظاهره الخطيره

عجبت لك يازمن من اللي باع واشتري

عجبت لك يازمن من اللي باع واشتري
عرض برنامج العاشرة مساءأ
تقريرعن حفلة الفنانة العالمية اللولبية بيونسيه ايرس اللي تقاضت يا ولداي مليون دولار خلاف نقل المعدات والشاشة العملاقة من امريكا شيكا بيكا الي مصر المحروسة وقال ايه الريس بيقول بلاش استفزاز للناس الغلابة والمساكين هوه في حد يقدر يستفزنا ده احنا اصلا ناس مستفزين
المهم التقرير جاب عينة من الناس اللي حضرت الحفل اللي تذكرته وصلت 2000 جنيه فقط لا غير
وعظمه يا ست بيونسيه
الناس اللي رايحه نضيفه اوي تحس ان همه لسه مستحمين علي طول وبتلمع ورقيقه من الرقاق
ناس غيرنا وعالم تاني وجايين يا ولداي مش مصدقيين نفسهم انهم هيشوفوا الفنانه العالمية اون لايف فاس تو فاس
ده حدث بالنسبه لهم اوفر over
واللي يعيش ياما يشوف واللي يروح بورت غالب يشوف اكتر
اجراءات الامن والتفتيش كانت شديده طبعا خايفين من الغلابه ل احسن حد يقل عقله ويبيع ورث ابوه ويروح يحضر الحفله
هوه اي حد معاه 2000 جنيه عمي يبقي من حقه يحضر دي تبقي باظت الحفل ده للناس الكمل علية القوم
اللي شكلهم باين عليهم ناس لسه مستحمين دلوقت علي طول
ومن عينة الحاضرين المذيع اللامع تامر بتاع برنامج البيت بيتك والاخ زميله شريف ناس رايقه ع الاخر قال ايه هما ميعرفوش اسم النبي حارسها بيونسيه بس جايين يتابعوا الحدث الجلل اللي علي ارض المحروسه
طبعا ده حدث عظيم ما يفوتش الناس اللي مشبعانا بهموم الشعب ومشاكله كل يوم وهاتك يا تريقه علي المسئولين وغير المسئولين هما دول فعلا اللي هيحرروا البلد من الفساد اللي استشري وكتر بس تخلص الحفله وشوفوا التريقه علي اصوله
ومن العينه والعينه بينه
الاستاذ العملاق صاحب برنامج واحد من الناس ولا بين الناس مش فاكر اهو الاستاذ الليثي وخلاص اللي كل مرة يخليني اعيط علي العشوائيات والناس اللي
مش قادره تفك زنقتها ومش لاقيه اي حاجه كمان الاستاذ من الناس المحترمه اللي متعرفش الفنانة اللولبيه بيونسيه بس سمع عن الحفل وكان لازم ولابد من متابعة الحدث عن قرب اوعي وشك
والطامه الكبري الدكتور نقيب الاطباء معرفش بصراحه جاي يعمل ايه لا السن مناسب ولا الهيئه ولا المنصب يا دكتور طول النهار تقول الدكاتره غلابه ومساكين وابناء سبيل و70%منهم تحت خط الفقر والباقي ع الرصيف
وحضرتك بتجاهد من اجل كادر عادل ايه علاقه ده كله بالفنانة اللولبيه بيونسيه بنت امها وابوها ما علينا والخيبه علي السيدة المحترمه اللي باين عليها من بتوع سياسة المراة والكوته والذي منه قال ايه جايه مؤتمر البيئه وبالمره وبالمناسبه العالميه تحضر حفل الفنانه اللولبيه ما ده حدث ما بيحصلش
اللي مره في العمر
مؤتمر بيئه في بورت غالب والحضور جاي حفلة بيونسيه يا فلوسك يا مصر المحروسه يا وزارتك يا بيئه نفسي اعرف يعني ايه وزارة بيئه

هيا ده مصر يا عبله
يا ريتك لسه عايشه علشان تشوفيها تاني وتخونيها تاني
وعجبي

مدوناتي علي ودنه

مدوناتي علي ودنه
يا سلام سلم النت بكرة هيتكلم
عن موهبة فذه كانت مدفونة وخلاص للدنيا هتطلع
ده اللي انا فكرت فية لما علي غفلة شفت التدوين
واحد صحي من النوم غسل وشه وراح مدرستة
والتاني صور زبالتة وقالك هي دي بلدي
واللي افتكر ان له زكريات وحرام يا ولداي تموت مع الزمان
واللي مثل كتير افلام وشاف من حقه يكون علي النت فنان
واللي افتكر انه حفيد سعد سعد يحيا سعد وراح ع النت يقول لا لا لا
لا للفساد والبدنجان لا للتوريث لا للتعريص لا للتعريض
والي عاش حلم الشهرة بكرة مدونتي تكسر الدنيا
والي شاف نفسة شاعر والا اديب متمكناتي راح يجيب اى كلمة زى حلاتي في اي حاجة
في السياسة في الرياضة وهات شتيمة وهات قباحة في الوزير والغفير في الي رايح والي ماشي
وده رومانسي جاب كلام الحب كله وهاتك تدوين اصل نهديك واصلك يا اصيلة حبي ليكي
والي راح للبقر وللي راح للغنم وللي شاف النجوم واللي كتب ع الهموم والهدوم
مدوناتي علي ودنه
يا سلام سلم النت بكرة هيتكلم
واللي صور العيون والي صور الخدود
واللي صور مراته واللي صور عياله
واللي صور حفيدته واللي صور اصحابة
واللي شاف في المنام انه فليسوف الزمان
واللي رفع الشعار قال ده عار
ده حرام حرام حرام
وللي دور علي لنك لفيلم ولا ماتش قال مباشر يا الله شوف الحلاوة
واللي في الجنس اتكلم اصله واعي مدمتناتي
واللي في الطبخ شديدة جيبالك اصناف خطيرة
واللي اللي واللي اللي
يا سلام سلم النت بكرة هيتكلم

امن الدولة

يا صبااااح يا كريم
استدعاء من امن الدولة
ليه كده بس م احنا في حالنا
من البيت للغيط
لا بنبص شمال ولا يمين
تبنا وعدنا الي الله
يا تري افتكرونا في اية

كان كل همي في اللطعة ساعتين تلاتة اربعة لما الباشا يحن علية ويدخلني
يعني اليوم ضاع يا ولداى
يلا بناقص ما الايام كلها زي بعض
طب انا عملت اية يا ربي واخذ يفكر ويفكر ثم اخذ يفكر ويفكر
من البيت للغيط
حتي الصلاة الواحد بيصلي في البيت
احداث غزة ما فتحش بقه
نبيل البوشي
ما ليش دعوة
ابوتريكة وظلم الكاف وجايزة احسن لاعب في افريقيا ما تكلمتش
اضراب الصيادلة ولا هيحصل
نزيف البورصة ما ليش فلوس في البورصة
خلطة فوزية ما شفتوهوش
سوزان تميم هبة و نادين سفاح المعادي ماتش الاهلي والمصري
دماغي عمالة تودي وتجيب
والله انا في حالي بقالي سنين
والا يمكن الذنوب

يعني امن الدولة ه يحاسبني علي ذنوبي
طب دي كانت في الخفا
علي العموم يا خبر النهاردة بفلوس بكرة في امن الدولة هيبقي ببلاش والله اعلم
سلام مؤقت او قد يطووول

وضاع العمر يا ولدي

وضاع العمر يا ولدي
ادخل حجرتي قبل ان اغير ملابسي اضع صباعي علي زر التشغيل للكومبيوتر
افتح النت اتصفح الاخبار اكتئب لا يوجد خبر سار انهيار البوصة ارتفاع الاسعار جريمة اغتصاب اخري حادث طريق يؤدي الي عشرات القتلي والجرحي انفجار ببغداد هزيمة جديدة للزمالك انتحار رب اسرة اعتقال قيادات للاخوان
وفاة حالة جديدة لانفلونزا الطيور قضية فساد واحتكار اخري اخر اخبار قضية مقتل الفنانة سوزان تميم ونادين ليلي غفران اعتراف المتهم وتراجعه واعترافة مرة اخري
احلف م انا راجع تاني للاخبار
افتح المنتديات
برنامج رهيب لتسريع النت
احدث النغمات
احلي اجوان عمرو زكي
اخيرا السيريال نمبر لبرنامج
اقوي الشركات الربحية

يلعب الشيطان بدماغي
ادخل اليوتيوب
اكتب في البحث
عرب سكس جنس بنات مصري رقص سعودي دينا حسام
arab girl sex bent masry dance
اتعب ازهق
ادور علي فيلم عربي كوميدي اضحك
انسي اتوه
اكل اشرب
انام
يعدي اليوم وارجع تاني

ادخل حجرتي قبل ان اغير ملابسي اضع صباعي علي زر التشغيل للكومبيوتر
افتح النت اتصفح الاخبار
ويضيع العمر يا ولدي