اعظم رثاء سمعته في اخويا ادهم الله يرحمه

هو ايه اللي بيحصل هو للدرجة دي الموت قريب مننا بجد ؟؟ !!
يعني دلوقتي اصبح عادي تكون مع واحد باليل وتصبح الصبح يقولولك فلان مات .
مات !!!!!!!!! كده بكل سهوله !!!!!!!!!!!
ايوه نعم بكل سهوله مات عادي يعني وللعلم الحياة لا تتوقف ابدا
على اي شخص كان
وعن تجربة لاحظ معايا كده البيت اللي فيه من سنة جنازه اليوم فيه فرح وعادي يعني
ماهو الحي ابقى من الميت نعمل ايه يعني ؟؟
نموت نفسنا يعني
انا مش عارف ايه اللي بيخليني اكتب الكلام ده الان
بداية القصة كانت من موت أحمد يحى عبدالعاطي المفاجيء يوم ضرب غزه .
وبعد صلاة الظهر التليفون يرن ارد نعم اللي على الهاتف يجيب
احمد يحى مات ولم اصدق ابدا فاحمد يحى شاب ماشاء الله رياضي جدا والله عز وجل وهبه قوام ممشوق وصحة تمام طب هيموت ليه يعني ؟
واتصلت باخوه انت فين قال انا في اسكندريه رايح اشوف احمد قلت له مالو قالي اصلو تعبان شوية
آه انا ما قلتلكوش اصل احمد الله يرحمه كان بيطلب علم شرعي عند الشيخ مصطفى العدوي في المنصورة ومن بعدها انطلق لاستكمال المسيرة في الاسكندرية وده كله بعد ما ختم كتاب الله تعالى حفظا واتقانا
وعلى المغرب يتصل بي اخوه يقول جهز المسجد !!
مسجد مسجد ايه يا استاذ محمد يقولي احمد مات
وانا لله وانا اليه راجعون
ادي مصيبة

اما التانية فحدث ولا حرج
فهي صدمتي في مقتل حبيب قلبي الشاب اللي يكفي جدا اقول عنه ما زعلش حد منه اسال الله ان يتقبله في الشهداء
فهو كان من اكثر الناس خلقا حسنا ومن اكرم الناس اللي عرفتهم في حياتي
حبيبي ادهم والله ثم والله انا اكتب وانا في اشد الاشتياق ان اجلس معه نعم والله نفسي احكيله عن حاجات كتييييييييييير ونفسي اسمع رايه في حاجات كتير
انا اكتب وانا ابكي ولا اعلم لماذا ؟
بس انت وحشتني ياادهم والله وحشتني
كان نفسي اشوف ابنك بس للاسف هو اتولد بعد وفاتك فازاي اشوفه وانت ما شوفتوش
يا حبيبي والله وحشتني وبرضه تليفون من صديق قديم وبرضه بعد الظهر ايوه يا احمد
قالي انت فين
انا في البيت
طيب تعالى المستشفى
ليه خير
ادهم تعبان شوية
ماله
لما تيجي هتعرف
ذهبت لمستشفى منفلوط ولم يخطر في بالي واحد في المليون ان ممكن ادهم ما يقومش من الموضوع ده وما حدش هناك كان قايل على حاجة
ثم سمعنا شخص ما يقول
ادهم واخد طلق ناري في صدره
وكانت مصيبة بالنسبة لي
وساعات وانتهى ادهم واصبحنا نقول ادهم الله يرحمه
يااااااااااااااااااااااااااااااااااااااااااااااااااااااااااااااااااااااااااااااااااااه
ما مدى حقارتك يا دنيا

اما الثالثة فكانت في اخ انا لم يكن لي به صلة قوية فعلا لكن كنت اتعامل معه من بعيد والله ما علمت عنه الا كل خير وطيب خلق وطبعا خاتم القرأن حفظا هو الاخ محمود جمال عبد الظاهر

اما الرابعة وانا عارف انها ليست الاخيرة فكانت في الاخ الدكتور هيثم
وبرضه والله لا اشهد له الا بخلق غير طبيعية في الحسن والله يجازي امه عنه خير لقد كانت نعم المربي فربته احسن تربيه وكمان خاتم القرأن حفظا وده بقه ياما صليت خلفه
ويا ترى الدور على مين
ولا المره الجاية هكون انا
بجد يا اخواني انا مش عارف ايه اللي خلاني اكتب كل ده وادوشكم معايا
الله يرحم الجميع الله يرحم الجميع
انا حزين انا خايف من بكره
بالله لو انا مت ادعولي .....................................