ايون
قالت يعني ليك فترة مش موجود علي الفيس قولت بصراحة انا زهقت من العالم الوهمي اللي عيشتيني فيه انا عايز اعيش الواقع قالت يعني حبنا كان كلام قولت ايوه كان كلام انتي مجرد كلام لا اعرف ان كان اسمك حقيقي ولا صوتك هوه صوتك والا صورتك هيه صورتك كلك خيال نفسي احس بجد اضحك بجد من جوه قلبي مش مجرد ابتسام واعبر عنه ب ههههههههه نفسي ابكي بجد وتملئ دموعي عيوني وتنزل بحرقة علي خدي عشان احسن بالالم مش مجرد عين تدمع وقبل ما اكتب كلمة عتاب تكون جفت خلاص انتي مجرد كلام بشوفه واقراه نفسي في انسانة بجد لحم ودم واحساس نظرة منها تساوي الف كلمة من كلام الشات لمسة من ايدها احس فعلا بطعم الحنان مش مجرد كلام وهم عايشه من زمان نفسي اسمع دقات قلبك مش مجرد كلام نفسي احس بانفاسك مش مجرد خلفية رومانسية او صورة قلب والسلام انا خايف يوم ما اشوفك بجد الاقي نفسي بحب فيكي مجرد الكلام والاقيكي انسانة تانية واحن ارجع اوام للشات فاكرة زماان لما كانوا يحكواعن الحب من اول نظرة
النظرة دي مش مجرد شكل لأ ده احساس عمره ما هيكون علي الشات النظرة دي قلبين خدوا بعض بالاحضان قبل ما العين تشوف العين النظرة دي شعاع مغناطيس شئ غريب ناس قالت عليه حب وناس قالت ارتياح وناس غنت له وناس عاشت عليها ذكريات انا مش بحبك انا بحب مجرد جهاز بيكتب بيكدب بيحكي حواديت العشاق وساعات بيتكلم ويجيب صورة كمان انا خلاص زهقت من الاوهام انا حتي مش عارف شكلك ويا دوب بحب صورة بروفايلك حتي دي بتغيريها والاقي نفسي بحب صورة لميس او منة شلبي اومي عز الدين انتي تشبهي مين في دول وانا بحب انهي وحده في دول والا كل دول باشتاق اليكي وبتوحشيني بس ده مش شوق حقيقي افرضي كلمني حد تاني علي اساس انه انتي تفتكري هاعرف الفرق ساعتها لما بقعد اتخيلك باتخيلك حاجات كتيير صورتك مش اكيد انتي مجرد انثي ده اللي بقدر احددته تفتكري لو قابلت في يوم انسانة بصحيح مش مجرد حساب عي الفيس هنسي حبك واعيش دنيتي اللي بصحيح والا هافضل اسير لمجرد كلام بيتكتب علي الوووووال انتي ايه بالظبط انتي انس والا جن والا كلمة والا صورة والا انسانة في خيالي اتخيلتها ورحت عليكي ركبتها وفضلت احبها ويوم ما هشوفك بجد مش هلاقي اللي كنت بحبها
ده احنا اصلا ممكن ما نتقابل في عمرنا ولو صدفة ده احنا ممكن يكون بنا جبال وبحور ومسافات بالهبل يبقي ايه معني ساعتها حبنا والا احنا غاويين نعذب نفسنا والا عيشة الوهم والضياع والهوي بقي كييف ادمان زي الحشيش والسياسة وكرة القدم
قالت يعني ايه
قولت يعني سلاااااام ونتقابل لما نبقي اون لااااين
بااااي
تحفة بجد ياما كتير حكايات على النت ابتدت وعلى النت انتهت وللاسف بتفضل حكايات
ردحذف