هههههههههههههههه اكيد طبعا دي مزحة مش خفيفة بس انا قريت اكتر من تعليق بخصوص اسماك القرش في شرم الشيخ اللي هاجمت السياح وخلتهم يهربوا علي بلدهم ويقولوا يا فكيك ناس كتير زي اي مصيبة بتحصلنا رميت الكورة في ملعب اسرائيل علي اساس ان كل مصايبنا تقف وراها اسرائيل حتي لو حد طلق مراته تبقي اسرائيل ليها دور اكيد وهيه اللي وزت الاخت سنية عشان تشتم اسم الله حارسه صبحي افندي راح رامي الطلاق قبل ما ينخلع وبيدي لا بيد عمرو بس السؤال للاخوة الخبراء الاجانب اللي مصر استعانت بيهم بعد فشل نكته تم القبض علي السمكة المتهمة بازعاج السياح وقد اعترفت بكل الجرائم الموجه اليها وتم تحنيطها عشان الاخوة السياح يطمنوا خالص وينزلوا البحر بأمان تام وكأنهم بيكلموا الاخوة حدانا في الصعيد والكل هيرفع ايده ويقول موافقة علي كلامك يا حكومة مسخرة اخر عشر حاجات السؤال هوه فعلا ممكن اسرائيل تربي عندها السمك القرش وتعلمه الادب وتبرمجة انه لا يغادر السواحل المصرية لا يمين ولا شمال ويقعد راقد بين الشعب المرجانية للسياح لحد ما وحدة في عز شبابها السبعين تنزل الميه اوم هوب وبحركة سمكيه لولبية ياخد اجلها اللي عزرائيل نفسه مقدرش ياخده بصراحة اشك ان اسرائيل اللي مقدرتش توقف حرايق الغابات وقعدت تولول وتصرخ للي يسوي واللي مايسواش لحد الاخوة الفلسطنين مصعب عليهم وراحوا يطفوا معهم قادرة تعمل الفوكيرة دية عموما انا كنت شوفت قبل كده فيلم وثائقي ومحدش يسألني يعني ايه وثأئقي بس انا عجبتني الكلمة المهم كان بيتكلم عن اسماك قرش هاجمت من غير سبب واضح احد الشواطئ في امريكا اللاتينية وبعد البحث العلمي مش نظام قبضنا علي السمكة المتهمة بتاع عمنا نظيف اتضح ان في مصنع انشئ حديثا علي بعد عدة كيلومترات بيصرف مخلفاته علي المحيط فتسبب في تلوث البيئة في المنطقة اضطرت الاسماك اللي عندها دم واحساس مش زي حالاتنا انها تهرب عن التلوث بالقرب من الشاطئ وبدأت تهاجم البني ادمين اللي يستاهلوا طبعا اكتر من كده واخيرا سلام من كل سمك البحر لسمك القرش اللي ريحهم من البشر الغلسين...........د.مصطفي الجلاد
ليست هناك تعليقات:
إرسال تعليق