ليه قتلوه
قتلوه لان القتل مباح ومفيش حساب
قتلوه لانه اعزل من غير سلاح
قتلوه لانة مواطن بينداس بالنعال
قتلوه لان القتل في دمهم زي الادمان
قتلوه لان الطوارئ بتحكم البلد
قتلوه لانه زينا لا ليه ضهر ولا سند
قتلوه لانه كشف المستور
والعوره في الشرطة اللي يكشفها مسحول
قتلوه من اجلك انت يا جمال
قتلوه علشان الطابط يعرف ينام
قتلوه ورموا جثته بعد ما سحلوه بالجزم
قتلوه لانه مصري محكوم علية بالموت
قتلوه وسط الناس من غير خشي ولا حتي في الدري
قتلوه وسط البلد والكل شاف اللي جري
قتلوه وحكموا علينا بالغزي
قتلوه ورجعوا بيوتهم يضحكوا والدم في ايدهم ما نشف
قتلوه والفرحة في قلبهم والعار سابوه لنا
قتلوه مع انه لسه صبي بيحلم حلمنا
قتلوه لان الشرطة في خدمته
والموت مجاني لنا
قتلوه لان دول مش مننا
دي وشوش لابسة زينا
مش من اهلنا ولا حتي نعرف جنسهم
دي كلاب مسعورة علي لحمنا
دي وحوش بتشرب دمنا
دول صنف تاني من البشر
دي وشوش بتضحك
وممكن يكون عليها كمان علامة صلاة
قتلوه لانه بشر
انسان بيعرف يحب ويبتسم
ارجع خلاص لربنا واشكي يا خالد ضعفنا
انت شهيد صمتنا
انت شهيد جبننا
انت اللي فزت
واحنا اللي شلنا همنا
هوة تعليقي الوحيد حسبنا الله ونعم الوكيل ربنا علي كل ظالم بس وربنا يرحمه يارب
ردحذفامين ويصبر امه واهلة
ردحذف