وانا مارر مرت مرة بجنب البيت
وانا قاعد في النوبتجية ومفيش غير القنوات الارضية
علي تليفزيون من غير اريال كان لازم اسم بدني شوية
واسمع البرامج الحكومية اهوه جرعة نكد علي ما قسم
نعتبرها تكفير ذنوب عن يومنا اللي فات
وعظيمة صحيح يا مصر يا ام النعم
حوار عن المتحف المصري الكبير او الجديد قول او لا تقول
الكبير او الجديد المهم المتحف مفخرة ومشروع عملاق
وهدية من الحكومية اليابا نية شكرا يا يابان
بس المشروع عايز لسه تمويل والغالي الضيف
بيقول انهم هيلموا تبرعات للمتحف الفقير
وطبعا التبرعات في هذه الحالة اجبارية
يعني هتلاقي بكرة تبرعات اجبارية
مفروضة عليك من اجلك انت
المهم الفقرة ورتنا جزء من قسم او معمل الترميم
حاجة كده اخر حاجة نظافة وتعقيم واجهزه حديثة
والعمال لابسين كمامات وجاونتات
وتحس انك جوه اوضة العمليات والله انضف كمان
وهنا كنت خلاص جبت اخري
يعني ايه كل النضافة دي علشان ترميم الاثر الحجارة
وداخل اجدع مستشفي حكومى متلاقيش
عشر ده فين جوه اوضة العمليات او جوه العناية المركزة
والشي بالشئ يذكر افتكرت البيئة والنظافة
والمعادلات اللي ملهاش حل خد عندك
العيادة الطبية لازم تشترك مع محرقة لحرق النفايات
اية يا عم النفايات دي وانا عندي عيادة اطفال
معنديش نفايات قالك ازاي مش عندك خافض لسان
خشب بستعملة اة يبقي خلاص هيه دي النفايات يا سلام
اشتراك سنوي وعقد وفلوس واروح واجئ
عشان عندي خافض لسان طب مش هستعمل خافض
مش هشوف زور العيان خالص مفيش
حاجة اسمها كدة هتشترك يعني هتشترك
ماذا والا والا دي يا حاضرات معناها تفتيش
من الصحة والبيئة ومحضر لعدم الاشتراك
في المحرقة غرامته 10000 جنية تصدقوا
مش بس كده وممكن كمان الحبس سنة
او العقوبتين يا حلاوة
يعني المصانع مخلفاتها في النيل مباشرة
صوت وصورة وعلي عينك يا تاجر
مفيش مشكلة الممشكله في خافض اللسان احا
مفيش رد تاني
ورضينا بالهم والهم مرضيش بينا
عليك نضافة علي العيادة 30 جنية شهريا
ودي ايه كمان ما العياده انضف من الصيني بعد غسيله
لا عيان داخل ولا غيره خارج قالك احمد ربنا
دا الكشك اللي في الشارع عليه 10 جنية الكشك؟
ايوه لو متر في مترمش اللي قاعد فية عمال يتف وينف
ويوسخ في البلد لازم يدفع بالتي هي احسن
ولو مدفعش قضية يا باشا ومحكمة وحجز وهيصة بقي
شغل حكومة بقي
طب انا ادفع نضافة ومحرقة في نفس الوقت
هوه انا مصدر زبالة للدرجة دي ؟اة انت زبالة
طب والفلوس دي كلها بتروح فين والزبالة قاعدة زي ما هيه
مش مشكلتك الزبالة مشكلتنا احنا طيب خلاويص لسة خلاويص لسه
ليست هناك تعليقات:
إرسال تعليق