قول اللي في نفسك محدش من البشر عارف اسمك غني علي ليلي واكتب عصارة فكرك سافر بلاد بره واحلم بان الكون ملكك عيش علي النت ايامك حارب وانت قاعد مكانك سلم علي الهادي واوعي تموت شاتت
وكله هايص وكله بايظ وكله بيتكلم عن الكلام اللي سمعة
وكلة مفكر وكله بتاع كله وكله اخر حاجة وكله مكبر
واجبلك
ماسي وتبكي يا جاري واشغلك غنية واجبلك مطرب هدية وتسمع كلام في كل مجال وتسمع فتاوي وتسمع بلاوي ومصر النهاردة و90 دقيقة وهاتلك مظاهرة وهاتلك مجاري و هيا دية مصرنا يا غالي والعب شوية وكرر شوية واضحك يا مصري علي اي حاجة ودول بلدنا ودول شبابنا ودول اللي ماتو ودول اللي عاشو ودول شحاتين وفين المسئولين وهاتك شتيمة وهاتك قباحة وكلم سياتة وكلم هنادي وهات المشاكل وحل المشاكل وكله كلام في الهجايص وهاتك سياسة وفكر وأصالة وهات اللي نايم واقلق منامة وصبح علية صباحك يا مصري يا اللي لسه عايش وهات شوبير واحكي الحكاية وكرر كلامك وكرر كلامه واوم خناقةوخد اتصال وخليك مركز هتقوم حريقه واصحي وفوق ده كله كلام هجايص لا ظاطط لا هاصت
لماذا لم يترشح البرادعي تحت عباءة احد الاحزاب السياسية في مصر هل فشل في ذالك بما ان الاحزاب المستقلة والمعارضة ما هي الا ديكور للحياة الحزبية في مصر
ام انه اثر السلامة وعدم المواجه المباشرة مع النظام فرقص علي السلم لا هو اترشح رسميا حسب المادة 76 ولا هو جلس يستجم في منزله يقضي خريف العمر
هل ممكن ان يكون البرادعي جزء من النظام حتي لا يعطي فرصة لظهور منافس حقيقيشرعي يمكن ان يصبح واقع ملموس بدلا من حلم مجنون
هل البرادعي فعلا شخصية عالمية بحيث لا يمكن للنظام التحرش بهمباشرة وهل حدوث اي مكروه له كحادث انتحار مثل مروان ميلودي يمكن ان يجعل الدول الصديقة ان تنتفض وتهب في وجة نظام اعطي لها الكثير
هل يمكن للبرادعي ان يعطي اكثر من مبارك
هل يشكل الرئيس مبارك او ابنة اي عائق امام الدول الاجنبية وعلي راسهم امريكا واسرائيل
لماذاسمحت الدولة بحدوث اعتصامات واحتجاجات واضرابات عمالية وغير عمالية وهي قادرة علي منعها من البداية
ولماذا لا تعطي الاخوان من الحرية ما تعطيه للاخرين وعلي راسهم البرادعي
فاكرين ولا مش فاكرين برنامج احمر بالخط العريض الذي كان يذاع علي قناة ال بي سي اللبنانية
المهم البرنامج اختفي بعد ضجة اعلامية سعودية بعد اذاعة حلقة عن الحياة الجنسية في السعودية وكانت النتيجة اغلاق مكاتب القناة في جدة والرياض والحكم علي الشاب السعودي الذي تحدث في البرنامج (مازن عبد الجواد) بالسجن خمس سنوات والجلد الف جلدة
ومن قبل تم مصادرة رواية بنات الرياض لرجاء الصانع لانها تتحدث عن عالم الفتيات المثير في الرياض
اقارن بين ذلك وافلام خالد يوسف وعرضه لعشوائيات القاهرة في صورة مقززة عبارة عن خليط من الجنس والعنف والارهاب تحت دعوة حرية الفكر والفن
في السعودية يرفضون تشوية صورة المملكة تحت اي مسمي ويرفضون تشوية صورة السعودي حتي وان جهر بالزنا وفي مصر نتفنن في تشوية بلدنا في السعودية المواطن السعودي فوق الجميع والاجنبي ينداس باستثناء الامريكي والاوربي طبعا
في مصرنا العزيزة المواطن يقلع عريان ملط ويمسك سلك النور ومحدش يسال في اهلة اتذكر حادث اليم علي احد شواطئ الغردقة حيث غرق زميل لنا في الكلية وعندما علمنا بالخبر وصاح البعض منا التف حولنا عمال القرية السياحية وطلبوا مننا بهدوء شديد عدم ازعاج الاخوة السياح لانهم طبعا جايين يستجموافعيب علينا نعكر صفوهم بحادث عابر مات فيه واحد مصري
المشكلة الاكبر ان كل واحد يعلم بحادثة الغرق يكون رد الفعل المباشرسؤاله هوه مصري ولا اجنبي ولما يعرفوا انه مصري تظهر عليهم علامات عدم المبالاه وكأن الميت كلب وفي ثواني معدودة تم عمل محضر واستخراج شهادة الوفاة حتي لا يحس الاخوة السياح باي شئ غريب
واذا تحدثنا عن كرامة المصري جوه بلدة فحدث ولا حرج
سئل الشيخ عائض القرني عن تحويلة لنيابة امن الدولة المصرية هو والاستاذ وجدي غنيم انكر الشيخ علاقتة بهذة القضية وقال بالفم المليان لا اعتقد ان المملكة تسلم احد رعاياها الي مصر نعم صدقت يا شيخ
المصري يعلق كالخراف في قرية كترمايا اللبنانية في حادثة الله اعلم ان كان هو فاعلها اولا لاكن بما انه مصري يصبح الغضب اعمي اهوج كيف يفعلها مصري والله لو كان يحمل جنسية اخري لما كان كل هذا الغضب كيف للجمهورالمصري ان يعتدي علي فريق الجزائر في مصر فليخرج الشعب الجزائري كله في الجزاير لتحطيم المشروعات المصرية وليسافر قطاع الطرق الي ام درمان لتعليم المصريين درس لا ينسوه هذه صورة المصري اهدرت كرامتنا بايدي حكامنا فاصبحنا ملطشة لكل شعوب الارض ويتحدثون الان عن الدور المصري والريادة المفقودة والهيبة المنزوعة ودول حوض النيل التي تاسددت علينا وكيف لدول لا تملك لباس يغطي عورتها ان تتفق علي مصر ام الدنيا
اي دنيا يا مصر؟
دنيا عبد الجبار
اهدرتي كرامة المصري فضاعت كرامتك وضاعت كرامة المصري معكي
مصري مش بالدولار ولا اليورو 450 جنية بعد12 خدمة في ثانوي قصدي في وزارة الصحة والسكان يا بلاش صحيح عظيمة يا مصر ياام النعم نيلك هيخلص قصدي ده سكر+600جنية نوبتجيات أي نوبتشيات مع العلم أن الواحد بياخد الحد الاقصي من النوبتجيات علشان يزود دخلة يعني نوبتجية يوم ويوم يعني يوم في البيت ويوم في الغيط قصدي المستشفي يعني نص عمر الواحد يقضية في المستشفي ويديلك بدل عدوي اقل من 20 جنية يعني يجيلك التهاب كبدي فيروسي وينقصف عمرك بدري بدري غير العذاب اللي تشوفة قبل ما ترحل يا حبيبي بعشرين جنية شهريا+180 حوافز يكون المجموع الكلي 1230 يعني من الاخر اوعي وشك
المطلوب يا سادة يا كرامعلشان الواحد يعيش عيشة محترمة علشان الواحد دكتور قد الدنيا والدكتور راح والدكتور جية وسع يا وله للدكتور مصاريف بسيطة جدا جدا
يلا نحسبها
الاكل اي المم أي الطعام
الفطار بما اني راجل متربي علي العز والعز عز والفقر كتاكيت كاك كاك
الفطار يا جدعاااان فول ساندوتشين فوووول اوما شابه30 جنية شهريا والمدام والعيال يكلوا نفسهم بقي مش مهم
الغداء
متوسط اربعة كيلوا لحمة وفرخة +يوم عدس ويوم بصل 200 جنية غير السمن والذي منة
الخضار متوسط 100 جنية شهريا بدون السلطات أو أي إضافات اخري
العشاء
ربع كيلو جبنه بيضا غير الجبنه النستو للعيال غير المربي يا معلمي علي نفسهم في المناسبات ااو جبنة رومي لزوم الرفاهية الغير مقبولة وبدون اي رتوش يكون العشاء حسبة 200 جنية غير الفينو لزوم الساندوتشات
للبيبي
بامبرز اجباري من غير خيارات شهريا حوالي 70 جنية ولا غني عنه ولا استغناء
ادوية ومسكنات لنزلات البرد والاسهال والصداع المزمن بقيمة 30 جنية شهريا وده المتوسط السنوي علشان محدشيقول كل شهر نزلة لا يا سيدي ده المتوسط ومع العلم الكشف مجاني
50 جنية قيمة الاتصالات بالمحمول بعد الامتناع عن سداد فاتورة التليفون الارضي لظروف خارج نطاق الخدمة
50 جنية متوسط مصروف العيال منالحلوي والشيبسي والدولسي في أيام الحر الصريح لطفلين في عمر الزهورفقط لا غير هذا هو المدون في الدفاتر الرسمية مع العلم ان المبلغ الاصلي اضعاف هذا الرقم لان النفس اماره بالسوء والشكولاتة وأشياء من هذا القبيل
اني ابتليت باربعة النفس والدنيا ومالي والهوي
صابون لزوم النضافة النضافة حلوه برضة حماية من الانفلونزةخنازير وطيور وخلافة واريال للغسيل 20 جنية شهريا خلي علينا واغسل الباقي في الترعة حداكم
400 جنية أيجار شقة علي النيل (النيل بتاع الصعيد حدانا مش النيل بتاعكم)3 اوض وصالة يرمح فيها الخيل أيجار مؤقت قابل للزيادة الاجبارية كل خمس سنين
فسحة للأولاد والبند ده لو هيدايكم ممكن نحذفه من مضبطة المصروفات 100 جنية
مواصلات شهريا 60 جنية وده طبعا نص المواصلات والباقي كعابي موتورجل وبالتالي محتاج ولا مؤاخذة تغير الجزمة بصفة مستمرة وده بند لوحدة
فاكهة اصل العيال نفسهم فارغة عايزين زي الناس الوحشة فاكهة مع التحذير المستمر من خطورتها علي الصحة العامة بقيمة 50 جنية يعني مرة في الأسبوع مرة يا بشر من الفاكهة المحترمة بعيدا عن التفاح والمانجو لقلة ادبهم
كده يكون المجموع الكلي للمصاريف 1440 من 1230 يكون الفرق بالسالب 210
يعني مطلوب اني أشحت أو بلفظ ارق استلف شهريا 210
ده طبعا غير لسه مصاريف المدارس والدروس الخصوصية اللي عايزة مرتب وحده ومن غير ملابس لزوم الصيف والشتاء والاعياد والاحذية حتي لا نكون حفاة عراه وطبعا المفروض نعمل حساب بكرة والعيال اللي عايزين يتجننوا ويتجوزوا ومصاريف الجامعة اللي مش هيدخلوها طبعا ومن غير اي مصاريف طارئة يعني كباية اتكسرت مثلا رجل كنبة اتخلعت مع العلم إن دي مصاريف واحد عايش في الصعيد اي مصاريف حنينة فبند المواصلات لواحد عايش في القاهرة الكبري عايز مرتب تاني لوحدة
انا مش شايف غير ناس بتموت وهيا بتتعارك علي الميراث كل يوم
وحوالية ناس كتير اخوان مش بيكلمه بعض من سنين بسبب الميراث الكل حاسس انه مظلوم وان اخوه اكل حقه مع انه ممكن يكون هوه الظالم بشهادة الناس كلها يبقي فين الدم اللي بيحن وبالمناسبة افتكر مرة واحد قريبنا تاه منه ابنه وهوه صغير حوالي اربع سنين ومرت السنين والايام واتنسي اللي تاه وخلف قريبنا بنين وبنات وشغلته الدنيا والايام
وفي يوم من ذات الايام واحد من اللي شهد الحادثه والتوهان وكان حريف جرايد وحريفة الجرايد دول ناس يستنوا الجرايد من صباح ربنا واول ما بياع الجرايد يقول يا فتاح يا كريم يكونوا لقطوا كل الجرايد واختفوا في اي مكان وهاتك يا قراية لكل الاخبار سياسة فن علي استهبال ساعة اتنين تلاته لحد ما يخلصوا كل الاخبار ويرجعوا الجرايد للبياع مع اجرة القرايه
المهم اخونا ده شاف قصة لزوج مراته بتعايرة انه مالهوش اهل صحيح ان كيدهن عظيم راح الزوج المسكين لصحفي صاحبه وحكي حكايته مع الزمان وكيف تاه وربته ست بنت حلال لحد ما بقي زي الشحط واتزوج وخلف كمان وكان فاكر لما تاه اللبس اللي كان لابسه واسم اخواته وشكل المكان اللي كان عايش فيه اول ما صاحبنا شاف القصة قال باعلي صوته وجدتها وجدتها وجري علي قريبنا وقال ابشر اخي العرب الابن اللي تاه لقيناه
وسافر قريبنا علي العنوان ولقي هناك بشر من كل مكان بيحلفوا ان التايه ابنهم وفيه كل العلامات
المهم وصل الزوج المسكين للضيوف المكلومين علي ابنهم اللي راح واول ما شاف قريبنا ومراته جري عليهم من دون الناس وهاتك يا احضان ودموع ومليت الزغاريط المكان هوه ده صحيح الدم لما يحن المهم بعد ما الدم حن واقامو الحفل ووزعوا الشربات رجع الابن التاية لمراته في مصر المحروسة ورجع الاب والام لصعيدنا المبارك
وتوته توته خلصت الحدوته
كل ما اشوف الناس حوالية اخاف من بكرة لا دم بينفع ولا خير بيشفع والفلوس والمصالح هيا الرابط الحقيقي بين الناس ولما تنتهي المصلحة اخوك عند ابوك وتحيا جمهورية مصر العربية
فاكر يا ابني اكتوبر والعبور والنصر فاكر لما رجعنا الكرامة لمصر فاكر جدك لما استشهد ساعة العصر انا مش فاكر غير جدو وابوتريكة وسونج وحمص لما في ايطاليا جاب النصر فاكر يا ابني السد وجمال عبد الناصر وطلوع الفجر انا مش فاكر غير سوزان وهشام طلعت وفلوس طلعت بره مصر فاكر يا ابني بورسعيد والعدوان وعيد النصر انا مش فاكر غير المصري اللي ه يهبط لو ما حققش اي نصر فاكر يا ابني التاميم واراضي رجعت للفلاحين بالمتر انا مش فاكر غير مارينا وشرم وناس بقيت اقوي من صلاح نصر فاكر يا ابني الثورة وسعد وعلامات النصر انا مش فاكر غير تامر حسني وهيفا وهز الخصر فاكر يا ابني البنية التحتية والمترو ومحاربة الفقر انا مش فاكر غير حرايق مجلس الشوري والمسرح والقطر فاكر يا ابني الجامع والكنيسه والوحده طول العمر انا مش فاكر غير فتن بتقصف العمر فاكر يا ابني لما ابوك زاد النص لما مرتبه زاد العشر انا مش فاكر غير العشة فوق السطح واللحمه حلم حياتي ويا الفاكهه اول الشهر فاكر يا ابني مصر الريادة والزعامة والقدر انا مش فاكر غير ماتش الجزاير والجمهور اللي انضرب فاكر طب يا ابني حب مصر انا مش فاكر غير الدويقه والعبارة وشباب هاربة وسط البحر فاكر يا ابني طب القمر انا مش شايف غير القبر فاكر يا ابني جمال مبارك اخرة الصبر طب بس خلاص الدنيا حر
