لية الراجل يتركب ؟

احيانا كتيرة اوي تلاقي راجل محترم جدا وبيشخط وبينطر اسد

برة البيت وجوة البيت المسحور تلاقيه انقلب قطة حتي يا ريت قط

لما يكون في اسباب واضحة لده نقول ماشي نعديها

زي ما بنعدي حاجات كتيرة اوي في حياتنا ورافعين طول لاعمرنا شعار ماشي

لكن لما يكون مفيش سبب واحد يوحد ربنا

يبقي لية الراجل لا مؤاخذة يتركب من الست بتعته؟

الركوب هنا مزاج ولا كيف

يعني لو الست هيا اللي بتصرف علي البيت ولا بتشارك في المصاريف ممكن نعديها

ولا الست من عيله والراجل بيخاف وبيؤثر السلامه يا حبيبي ما يضرش

وممكن الراجل تكون شخصيته ضعيفة

وكل الناس راكبينه فبالمرة الست تركب هيا كمان وجحا اولي بلحم طوره

وفي راجل بيحب مراته اوي وبيخاف علي زعلها ومن اسباب زعلها طبعا

ان هيه عايزه تركبه ومش بيهون عليه زعلها خااالص

فبيعديها المرة دي وكل مرة

كمان مفيش مشاكل الحب اعمي واطرش واحمر من الحمار

مفيش مشاكل خااااالص وفي راجل مراته حلوه اوي اوي اوي

وعلشان الورد ينسقي العليق والعليق هوه الركوب

والورد يستاهل حا يا حمار عادي عادي ولا يهمنا

وفي راجل من كتر هموم البيت والمشاكل بره وجوه مش بيقدر يفرد طوله

وبيكون النتيجة طبعا الركوب من الست علي طووول فرصه يا معلم

وفي رااجل بيتركب لما بيستنفذ كل الوسائل الممكنةمع مراته

من ضرب وطرد و هجر السرير والبيت ومحاولة هجر الدنيا كلها

وبعد الفشل واصرار الست علي الركوب بينوخ وبتركب الست المفترية

وفي راجل الست ماسكه عليه لا مؤاخذه زلة

يعني قفشتة بيخونها او انه ما بيعرفش علي رأي عادل امام

او مستحمله الست امه اوفقره او مرضه كل دي اسباب

تخليه يتنازل وينحني ويتركب لا مؤاخذة

لاكن لو الراجل راجل بصحيح وهوه اللي بيصرف والست بتاعته عادية خالص

ولا من عيله ولا ديوله ومفيش حاجة تعيبه

وشخصيته برة البيت وحش كاسر وبسم الله جتة زي الشحط وشنب ايه يقف عليه الصقر

ليه يتركب جوة البيت؟

ده ادمان ذي المخدرات لازم ياخد الجرعة من العكننة الزوجية

علشان يعرف ينام ويشخر او يقوم بالواجب المنزلي قبل ما ينام وبرضة يشخر

يعني في رجاله يا بلدنا يا مصر ما تجيش الا بالعين الحمرةلا كده لا بلاش

عموما خلي شعارك

علشان نعيش بسلام لازم نتركب من الستات

ولا عزاء للسادة الرجال

سلام