ضحكتي عليا يا أما وقولتيلي كلية القمة
فتحت للدنيا درعاتي وقولت مين بينادي
عدت سنة وراء سنة والهم بيزيد ما بينتهي
لبست نضارة والشيب ظهر في راسى وقولت خلاص هانت
واخيرا اتخرجت فتحت حساب في البنك وقولت خلاص هأعد الفلوس عد
ودوني حتت غريبه ولا حتي في السيما
وركبت الحمارة بدل السياره
والكل فتش عليا من مجلس المدينه لوكيلة الوزارة
ولقيت بشر غريبة عاوزين استشارة ولابد اكون عارف حتي عمل البصارة
ومفيش أكل يا أما والسكن شئ زباله واتعلمت الحداقه وشغل الخياطه
وقلت خلاص هانت هأخد نيابة اتاري الهم زاد والمرتب اصبح ما يقضي الزاد
نوبتجي يوماتي وبدل العدوي ما يجيب تمن برشامة
وقلت خلاص هانت هأحضرالرسالة وهاكون بكره اخصائي
وصرفت كل اللي حلتي مصاريف بحوث علي النت والجامعة
واخيرا أتمسترت وبقيت اخصائي خصموا بدل العيادة وحوافز النيابه ومرتبي بقي عياقه
ما يأستش برده يا أما وفتحت العياده مستني اهوه يا أما زبون من امبارح
مش عارف اعمل ايه أسك علي العباره وألا اقعد في العياده اشرب قهوه ساده
فاكرة زمان يا اما لما كنتي تقولي ذاكر اديني ذاكرت ويا ريتني ما اتخرجت
فاكره الدروس وهم الفلوس وسهر الليالي وشنط المدارس
فاكرة النتيجة وفرحه العيله فاكرة الجيران والفرح اللي كان
فاكره ابويا لما رجع البيت خيلان علشان قالوله يا ابو الدكتور فلان
ضحكتي عليا يا اما وقولتيلي كليه القمة
بكلمك من قبلي من علي شط الترعة بقولك وحشتيني وخلي بالك من أختي وأوعي تدخليها كليه القمة
ليست هناك تعليقات:
إرسال تعليق