مش متخيل ريس غيرك
اسف انا مش قابل حتي بموتك
انا مولود وانت الريس
قبل ما اموت نفسي اشوفك برضه الريس
مش متخيل لقب الريس يبقي مباح
بين الناس
هوه خلاص
اوعي تسيبنا مين هايربي بكرة ولادنا
اصلي الناس الوحشة يا ريس
مش صابرين حالمين بالتغير
ناس مش راضية بالمكتوب عايزه يا دوب تتوب
اوعي يا ريس تزعل منهم دول حبيبك بينغشوك
ده انت والدهم وانت حبيبهم وانت الصاحب قبل صاحبهم
احنا خلاص عشقنا الزحمة ويا الازمة
ويا طابور العيش وغلو اللحمة
فاكر الازمة لما اتحلت باشاره منك
فاكر توشكي حلم حياتنا فاكر غزة
فاكر الناس اللي باعت كل هدومها
فاكر البورصة واللي اتخلص من كل الاسرة
فاكر رب الاسرة اللي رمي نفسة من الشرفة
ايوه انا عارف انك فاكر ومش ساكت
اصل الناس بتوه واكله بعيد عنك عيش مسوس
ويا خضار مسقي مجاري
غير الكبدي اللي مدمرهم
هما يا ريس مش فاهمينك فاكرين ان الدنيا بايدك
نسيوا الرب وراحو للعبد
الايمان في قلوبهم قل
ليست هناك تعليقات:
إرسال تعليق