باركولي بقيت الريس

مفيش مرة في ليلة مقمره والسما صافية والدنيا ربيع وبعد ما قفلت علي كل المواضيع حلمت خير الله ما اجعله خير انك بقيت الريس ايون بقيت الريس عادي خالص اية المشكلة ده حلم والله العظيم حلم ومش هاقول لاي حد
من حقك تحلم ان شاء الله تكون رئيس امريكا يعني اوباما كان أحسن منك
افرض وانت نايم من غير هدوم لا مؤاخذة كبس علي نفسك الحلم ده هتعمل إيه ساعتها طبعا هتستعبط وتصحي من النوم ما انا عارفك جبان طول عمرك ههههههههه طب افرض انك لقيت مصباح علاء الدين واقعدت تحك فية لحد ما طلعلك العفريت وقالك ههههههه تؤمر ب ايه وقول تله عايز أكون الريس مثلا طبعا العفريت هيموت في جلده واحتمال يدخل المصباح وميرضاش يطلع لك تاني وارد بس افرض انه عفريت من دهر عفريت ومخافش ولا اترعش وقبل التحدي تعمل ايه ساعتها
انا عن نفسي ساعات بحلم باني بقيت الريس قال ايه وانا قاعد لا بيا ولا عليا جالي جماعة من المعارضة والمستقلين وبتوع 6 ابريل و4 مايو وعلي كل لون وقالوا اخترناك اخترناك واحنا بعقل ما شاء الله ومحدش يقولي اشمعني انت ناس بتفهم وعندهم زوق
المهم أنا ما كدبتش خبر وطرتهم علي طوووول بره احنا ناقصين بلاوي وزي ما قال الريس منتخب مصر كويس المهم اوم ايه جالي امن الدولة في الفجر طبعا وتصدقوا بايه رغم ذلك ما صحتش من الحلم وكملته جدع يا اض
قالولي خليك معاهم وأحنا معاك متخفش حسيت ساعتها إني رافت الهجان وسمعت الموسيقي بتاعة المسلسل في ودني وكنت ها عيط رحت علي طول اتصلت بالجماعة إياهم وقول تلهم أنا موافق عشان مصر حبيبتي الغالية عليا المهم دون الدخول في التفاصيل في يوم وليلة لقيت نفسي الريس والسؤال يا حضرات لو انت بقيت الريس اية اول قرار هتاخدة اكتب تعليقك وانا ما اعرفكش ومن غير سلام كمان
بااااااي